9ملزمان کا جسمانی ریمانڈ ،16 کی درخواست ضمانت بعد از گرفتاری سماعت کیلئے منظور
راولپنڈی(جنرل رپورٹر)ضلع کچہر ی راولپنڈی کی ماتحت عدالتوں نے چوری، ڈکیتی، قتل آوارہ گردی، قمار بازی، ارادہ ڈکیتی، شراب، چرس، افیون، جعلی چیک، قیمتی اراضی پر قبضہ کرنے، سنگین نتائج کی دھمکیاں،نقب زنی اور راہ زنی کے مقدمات میں ملوث 12ملزموں کو 14روز کے جوڈیشل ریمانڈ پر سینٹرل جیل اڈیالہ بھیج دیا،9ملزموں کو تفتیشی آفیسر کی استدعا پر جسمانی ریمانڈ منظور کرتے ہوئے ان کی تحویل میں دے دیا،16ملزموں کی طرف سے دائر درخواست ضمانت بعد از گرفتاری سماعت کیلئے منظور کرلی، 8ملزموں کی طرف سے دائر درخواست ضمانت قبل از گرفتاری منظورکرلیں، تمام ملزمان کے خلاف پولیس نے الگ الگ مقدمات درج کر کے کارروائی شروع کی۔