کراچی (کامرس رپورٹر) زرمبادلہ کے سرکاری ذخائر میں 12 کروڑ 70 لاکھ ڈالر کی کمی ہو گئی۔ سٹیٹ بنک کے مطابق 11 اپریل کو ختم ہونے والے ہفتہ تک مجموعی ذخائر 9 کروڑ 7 لاکھ ڈالر کی کمی سے 15 ارب 75 کروڑ 27 لاکھ ڈالر سے گھٹ کر 15 ارب 66 کروڑ 20 لاکھ ڈالر کی سطح پر پہنچ گئے۔ سرکاری ذخائر میں 12 کروڑ 70 لاکھ ڈالر کم ہو کر 10 ارب 69 کروڑ 94 لاکھ ڈالر سے گھٹ کر 10 ارب 57 کروڑ 24 لاکھ ڈالر ہوگئے۔ جبکہ کمرشل بنکوں کے ذخائر 3 کروڑ 63 لاکھ ڈالر کے اضافہ سے 5 ارب 5 کروڑ 33 لاکھ ڈالر سے بڑھ کر 5 ارب 8 کروڑ 96 لاکھ ڈالر ہو گئے۔ اسٹیٹ بنک کے مطابق قرضوں اور بیرونی ادائیگیوں کے باعث زرمبادلہ کے ذخائر میں کمی ریکارڈ کی گئی۔