لاہور(نامہ نگار)انسپکٹر جنرل پولیس پنجاب ڈاکٹر عثمان انور سے گوجرانوالہ کے ڈی ایس پی عمران عباس چدھڑ نے سنٹرل پولیس آفس میں ملاقات کی۔ آئی جی پنجاب ڈاکٹر عثمان انور نے تھیلیسیمیا ہیموفیلیا میں مبتلا مریضوں کیلئے خون کے عطیات اکٹھے کرنے پرخدمات کو سراہتے ہوئے کہا کہ ڈی ایس پی عمران عباس جیسے باہمت افسران پوری پولیس فورس کیلئے مشعل راہ ہیں۔ ڈی ایس پی عمران عباس نے بتایا کہ  گذشتہ ساڑھے تین سال میں ہزاروں کی تعداد میں خون کے عطیات اکٹھے کئے اور ہر ماہ سینکڑوں کی تعداد میں خون کے عطیات اکٹھے کیے جا رہے ہیں۔ آئی جی پنجاب نے مزید کہا کہ پنجاب پولیس کے ملازمین کے تھیلیسیمیا ہیموفیلیا سے متاثرہ بچوں کو سہ ماہی 45 ہزار روپے دیئے جا رہے ہیں۔ متاثرہ بچوں کو رواں سال 70 لاکھ روپے سے زائد فنڈز دئیے گئے۔