لاہور (لیڈی رپورٹر) گورنمنٹ کالج یونیورسٹی لاہور نے رواں سال ایم فل اور ایم ایس پروگرامز میں داخلوں کا اعلان کر دیا ہے۔ اس سال 36 شعبہ جات میں داخلے دیئے جا رہے ہیں جن میں سے 29 مین کیمپس اور 7 کالا شاہ کاکو کیمپس میں پیش کیے جائیں گے۔ داخلے کیلئے جی سی یو گیٹ ٹیسٹ میں کامیابی لازمی قرار دی گئی ہے جس کی رجسٹریشن کا آغاز ہو چکا ہے۔ درخواست جمع کروانے کی آخری تاریخ 23 مئی 2025 مقرر کی گئی ہے جبکہ ٹیسٹ 31 مئی اور یکم جون کو منعقد کیا جائے گا۔ ٹیسٹ میں کامیابی کے لیے کم از کم 50 فیصد نمبر حاصل کرنا ضروری ہوگا۔ بی ایس (آنرز) کے فائنل سمسٹر کے طلبہ بھی درخواست دینے کے اہل ہوں گے۔