لاہور(نامہ نگار)ڈولفن سکواڈ اور پی آر یو نے ٹھوکر نیاز بیگ کے قریب مسافر کا قیمتی سامان چرانے والا 3 رکنی نوسرباز گروہ گرفتار کر لیا ہے۔ترجمان ڈولفن کے مطابق شہری نے گارمنٹس کا سامان رکشہ میں لوڈ کروایا تھا،تاہم رکشہ ڈرائیور دو ساتھیوں کے ہمراہ سامان لیکر فرار ہوگیا۔ شہری نے 15 پر کال کی۔ پی آر یو ٹیم نے ملزمان کی تفصیلات اور ان کے حلیہ جات کی بنیاد پر ڈاکٹر ہسپتال کے قریب ملزمان کو رکشہ سمیت گرفتار کر لیا اور ملزمان رشید، عرفان اور فیصل کے قبضے سے چوری شدہ لاکھوں روپے مالیت کا سامان برآمد کر کے انہیں تھانہ جوہر ٹاؤن پولیس کے حوالے کر دیاہے۔