لاہور( کامرس رپورٹر)آل پاکستان انجمن تاجران کے مرکزی صدر اشرف بھٹی نے کہا پاکستانی افواج نے جرأت اور بہادری کیساتھ بھارت کو نکیل ڈال دی ہے۔ بھارت نے طاقت کے نشے میں جارحیت کا اقدام کیا لیکن پاکستان کی بہادر افواج کے فوری رد عمل سے طاقت کا نشہ بھی اتر گیا ہے اور اس کے ہوش بھی ٹھکانے آ گئے ہیں۔ پاکستان نے بھارت کو ناکوں چنے چبوا کر اپنی دفاعی طاقت کو ثابت کر دیا ہے۔ اب ہمیں ایک قوم بن کر اپنی معاشی ترقی کی طرف بھی توجہ دینا ہو گی۔ موجودہ حکومت معاشی طور پر درست سمت میں گامزن ہے اور اس کی پالیسیوں کے مثبت نتائج سامنے آرہے ہیں۔ بھارت کو پاکستان کی ترقی ہضم نہیں ہوتی۔