کراچی (کامرس رپورٹر) پی سی اے نار تھ نے کروڑوں روپے ٹیکس چوری کا سکینڈل بے نقاب کر دیا- کسٹمز پوسٹ کلیئرنس آڈٹ کے مطابق 1 ارب روپے کی ٹیکس کی بڑی چوری پکڑی گئی۔ چوری خیبر فیبرکس ایمبرائیڈری، ، فیبرک کی جعلی د رآمدات میں ملوث پائی گئی۔کسٹمز کلیئرنس آڈٹ کے مطابق فاٹا/پاٹا کی ٹیکس چھوٹ کی آڑ میں 3ارب70کروڑ مالیت کا سامان دیگر شہروں میں فروخت کر دیا۔کسٹمز پوسٹ کلیئرنس آڈٹ کے مطابق 3ارب70کروڑ مالیت کا ٹیکس فری درآمد شدہ سامان صرف فاٹا پاٹا کی حدود میں فروخت کیا جاسکتا تھا- آڈٹ کے مطابق سبل بہتی، باڑہ بازار، خیبر میں گھر میں دو سلائی مشینیں کپڑے 4 رول رکھے تھے۔فیکٹری کے نام پر گھر میں موجود ملازمین 3ارب70کروڑ روپے مالیت کے درآمدی کپڑے کی دستاویز پیش نہ کر سکے۔ خیبر فیبرکس ایمبرائیڈری تیار شدہ سامان کی کھپت اور قانونی فروخت فراہم کرنے میں ناکام رہی- درآمد کنندہ نے قیمتی کپڑوں کی غیر قانونی فروخت کے لیے فاٹا پاٹا کی ٹیکس چھوٹ کافائدہ اٹھایا۔خیبر فیبرکس ایمبرائیڈری کے خلاف ٹیکس چھوٹ کاغلط استعمال اور غیر قانونی فروخت پر ایف آئی آر درج کرائی گئی۔ پی سی اے نارتھ نے ایمبرائیڈری فرم کے ملزم مالک کو پکڑنے کے لیے ٹیمیں تشکیل دی ہیں۔ فاٹا/پاٹا کے علاقے کی ٹیکس چھوٹ کا فائدہ اٹھا کر حکومت کوکروڑوں روپے ٹیکس ریونیو کا زبردست نقصان دیا گیا-