لاہور (لیڈی رپورٹر) یو ای ٹی ٹیچنگ سٹاف ایسوسی ایشن کے زیر اہتمام وفاقی بورڈ آف ریونیو کے اساتذہ اور ریسرچرز کی تنخواہوں میں 25 فیصد ٹیکس کٹوتی کے فیصلے کے خلاف احتجاج جاری ہے۔اساتذہ نے پلے کارڈزاٹھا ئے لائبریری چوک میں احتجاج کیا ۔ صدر ٹی ایس اے ڈاکٹر محمد شعیب کی زیر صدارت اجلاس میں ایسوسی ایشن نے جنرل باڈی میٹنگ بلانے کا فیصلہ کیاتاکہ آئندہ کا لائحہ عمل طے کیا جائے۔ صدر ڈاکٹر محمد شعیب نے کہا نوٹیفیکیشن کی واپسی تک احتجاج جاری رکھیں گے۔ جنرل سیکرٹری ڈاکٹر تنویر قاسم نے کہا کہ یہ اقدام اساتذہ اور محققین پر سنگین مالی اثرات مرتب کرے گا۔ایسوسی ایشن اپنے اساتذہ کے جائز حقوق کے تحفظ کیلئے پرعزم ہے۔اجلاس میں ڈاکٹر فہیم گوہر اعوان، ڈاکٹر عثمان، ڈاکٹر اویس،ڈاکٹر شمائلہ، ڈاکٹر ھدی،  ڈاکٹر رضوانہ، ڈاکٹر محمد عرفان جلیس نے شرکت کی۔