پاکستان سپر لیگ کی معروف فرنچائز پشاور زلمی نے ملک کی سب سے مقبول سوشل میڈیا اسٹار جنت مرزا کو ٹیم کی آفیشل سوشل میڈیا ایمبیسیڈر بنانے کا اعلان کیا ہے اس بات کا اعلان پشاور زلمی نے اپنے سوشل میڈیا پلیٹ فارمز پر کیا جس کے مطابق جنت مرزا پی ایس ایل کے دسویں سیزن کے دوران زلمی کی آن لائن تشہیری مہم کا نمایاں حصہ ہوں گی جنت مرزا کا شمار ان چند شخصیات میں ہوتا ہے جنہیں سوشل میڈیا پر سب سے زیادہ فالو کیا جاتا ہے اس نئی شراکت داری کا مقصد ٹیم کی نوجوانوں میں مقبولیت کو مزید فروغ دینا ہے جبکہ ڈیجیٹل سطح پر مداحوں سے مضبوط اور براہ راست رابطہ قائم کرنا بھی اس کا اہم پہلو ہے پشاور زلمی نے اس سے قبل اداکارہ ماہرہ خان کو اپنی برانڈ ایمبیسیڈر کے طور پر شامل کیا تھا اور اب جنت مرزا کی شمولیت سے ٹیم کی مارکیٹنگ اور ڈیجیٹل موجودگی کو مزید وسعت دی گئی ہے زلمی انتظامیہ کا کہنا ہے کہ وہ نوجوانوں کو اپنی ٹیم کے قریب لانے کے لیے جدید اور مؤثر ذرائع اپنا رہی ہے