لاہور(سپورٹس رپورٹر)جرمن ہاکی لیجنڈ سٹفین بلوشر نے ایک بار پھر پاکستان سے اپنی محبت کا اظہار کردیا۔حال میں ویزدان ہاکی کلب کیساتھ پاکستان کا دورہ کرنے والے سٹیفن بلوشر نے انسٹا گرام پر پوسٹ شیئر کی ہے جس میں سٹفین بلوشر نے اس دورے کے دوران نیشنل ہاکی سٹڈیم لاہور میں کھڑے ہوکر خصوصی تصویر شیئر کرتے ہوئے پاکستان زندہ باد اور لانگ لیو پاکستان کا ہیش ٹیگ استعمال کیا ہے۔بھارتی حارجیت کے بعد پاکستانی کھلاڑیوں کے بعد سٹیفن بلوشرپہلے غیرملکی ہاکی کھلاڑی لیجنڈ ہیں، جنہوں نے پاکستانی عوام کیساتھ یکجہتی کا مظاہرہ کیا ہے۔ ان کی اس پوسٹ کو سوشل میڈیا صارفین کی جانب سے بہت سراہا جارہا ہے۔