لائن آف کنٹرول پر بھارتی جارحیت کے خلاف پاک فوج نے بھرپور اور مؤثر جوابی کارروائی کرتے ہوئے دشمن کی متعدد چیک پوسٹوں کو نشانہ بنایا اور شدید نقصان پہنچایا سکیورٹی ذرائع کے مطابق کیلر سیکٹر میں بھارتی فوج کی اہم چیک پوسٹس بشمول ڈوبہ مور پوسٹ بٹالین ہیڈ کوارٹر سوجی اور پیر کانتھی سیکٹر میں جبار اینڈ ترکھیاں کمپلیکس کو مکمل طور پر تباہ کر دیا گیا ذرائع کا کہنا ہے کہ ان پوسٹوں کی تباہی سے دشمن کو جانی اور مالی دونوں حوالوں سے بھاری نقصان اٹھانا پڑا اس سے قبل بھی پاک فوج کی بروقت اور سخت کارروائیوں کے نتیجے میں کئی بھارتی پوسٹیں تباہ کی جا چکی ہیں ادھر بھارت کی جانب سے لائن آف کنٹرول کے قریبی علاقوں میں کی گئی بلااشتعال شیلنگ کے نتیجے میں 4 شہری زخمی ہوئے جن میں راولاکوٹ کے ہجیرہ علاقے میں 3 افراد اور پلیارنی کالونی میں ایک شخص شامل ہے تاہم پاک فوج نے فوری ردعمل دیتے ہوئے حاجی پیر سیکٹر میں بھارتی جھنڈا زیارت پوسٹ کو تباہ کر کے دشمن کو منہ توڑ جواب دیا حالیہ کارروائیوں کے دوران پاک فوج نے مزید 3 بھارتی پوسٹس کو بھی نشانہ بنایا کیلر سیکٹر میں مہیری پوسٹ اور خالصہ ٹاپ جبکہ رکھ چکری سیکٹر میں دنا ٹاپ اور ماؤنڈ پوسٹ مکمل طور پر تباہ کر دی گئیں پانڈو سیکٹر میں بھی موثر کارروائی کرتے ہوئے بھارتی فوج کا ہیڈ کوارٹر نشانہ بنایا گیا باغسر کے علاقے میں پاک فوج نے دشمن کے ایک جاسوس کواڈ کاپٹر کو بھی کامیابی سے مار گرایا جو صبح 3 بج کر 15 منٹ پر سرحدی حدود کی خلاف ورزی کرتے ہوئے پاکستانی علاقے میں داخل ہوا تھا سکیورٹی ذرائع کا کہنا ہے کہ پاک فوج ہر قسم کی بھارتی جارحیت کا بھرپور جواب دینے کے لیے تیار ہے اور دشمن کی کسی بھی حرکت کو ہرگز برداشت نہیں کیا جائے گا