پاکستان کے مشہور اداکار احسن خان نے اپنے ویڈیو پیغام میں بھارت کی جانب سے کی جانے والی بزدلانہ کارروائی پر شدید غم و غصے کا اظہار کیا اور کہا کہ پاکستان ہمیشہ امن کی بات کرتا آیا ہے اور یہ چاہتا ہے کہ پورے خطے میں امن قائم ہو احسن خان نے کہا کہ پاکستان کا موقف ہمیشہ صاف اور واضح رہا ہے کہ جنگ نہیں، بلکہ امن اور استحکام کی طرف بڑھنا ضروری ہے انہوں نے بھارت کی کارروائی پر سوال اٹھاتے ہوئے کہا کہ اگر رات کے اندھیرے میں دہشت گردی کی جائے تو اس کا کیا جواب دیا جانا چاہیے؟ یہ ایک ایسا سوال ہے جس کا جواب پورے ملک کی قوم کو دینا ہوگا احسن خان نے قوم سے اپیل کی کہ اب وقت آ چکا ہے کہ ہم اپنے ذاتی اختلافات کو پس پشت ڈال کر ایک متحدہ طاقت بن کر اپنے وطن کا دفاع کریں پاکستان کی شوبز شخصیات سمیت مختلف شعبوں سے تعلق رکھنے والے افراد بھی بھارت کی جانب سے کی جانے والی بزدلانہ کارروائیوں پر شدید غم و غصے کا اظہار کر رہے ہیں اور پورے ملک میں ایک نیا عزم اور جذبہ نظر آ رہا ہے کہ قومی یکجہتی کے ساتھ وطن کا دفاع کیا جائے گا