ٹائم سیٹیزن فاؤنڈیشن  برطانیہ جو کہ 1995 سے پاکستان میں بچوں کے حصول تعلیم کو ممکن بنانے کے لیے خصوصی توجہ دینے میں مصروف عمل ہے کی چیف ایگزیگٹیو آفیسر ثانیہ صوفی کی جانب سے ڈاکٹر سیلمان شاھد کے تعاون سے ڈبل ٹری ہلٹن ہوٹل مانچسٹر میں بلیک ٹائی چیرٹی ڈنر کا اہتمام  کیا گیاجس میں پاکستان کے نامور اداکار عدنان صدیقی کی خصوصی شرکت ہوئی۔ نقابت کے فرائض اداکار مومن ثاقب نے انجام دیے۔ برطانیہ کی سرکردہ شخصیات جن میں انیل مسرت ،نبیل مسرت،افتخار مجید ،ندیم مجید،بیرسٹر عامر الیاس ،فاطمہ، مریم ،نوید ڈین، زہرہ ڈین ،باکسر عاقب فیاض ،ماھا شاہ ،شمع پروین ،صائمہ خان ،چیف ایگزیگٹیو پرل اینڈ پیٹل فیشن سمعیہ نبیل ،بلال عزیز ، پی ٹی آئی کے سینئر راہنما رانا عبدالستار کے علاوہ کمیونٹی کی بڑی تعداد نے شرکت کی۔  کمیونٹی کی جانب سے فنڈ ریزنگ میں  90 ہزار پونڈ  کی خطیر رقم اکٹھی ہوئی۔ڈاکٹر سیلمان شاھد ،ڈاکٹر یاسر عباسی اور اداکار عدنان صدیقی نے گانے سنا کر محفل گرما دی -اس موقع پر اداکار عدنان صدیقی اور ڈاکٹر سیلمان شاھد  نے کہا کہ کسی بھی معاشرے کو آگے بڑھانے کے لیے تعیلم واحد ذریعہ ہے ٹائم سیٹیزن فاؤنڈیشن پاکستان میں اس بارے جو کام کر رہے ہیں اسکا کوئی نعم البدل نہیں ہمیں دل کھول کر اس نیک مقصد کے لیے مالی معاونت کرنی چاہیے۔ٹائم سیٹیزن فاؤنڈیشن برطانیہ کی چیف ایگزیکٹو آفیسر ثانیہ صوفی نے کہا ہمارے پاکستان میں دو ہزار سے زائد سکولز ہیں جن میں بچے  پاکستان کے دور دراز کے علاقوں سے زیر تعلیم ہیں برطانیہ میں چندہ مہم کا مقصد اتنے بڑے منصوبے کو چلانے کے لیے امدادی رقم جمع کرنا ہے۔ شاہد آفریدی چیرٹی کی نمائندہ صائمہ خان نے کہا کہ وہ اس نیک مقصد کی مدد کے لیے یہاں آئی ہیں۔ڈاکٹر شمع پروین، ماہا شاہ نے کہا کہ تنظیم خواتین کی تعلیم پر بھی خصوصی توجہ دے رہی ہے اس وجہ سے وہ انکی مدد کے لیے آء ہیں۔برطانیہ کی نامور کاروباری سماجی و سیاسی شخصیت سابق وزیر اعظم عمران خان کے مشیر خاص انیل مسرت  اور نبیل مسرت نے کہا فاؤنڈیشن پاکستان میں تعیلم کے فروغ کو عام کرنے کے لیے زبردست کام کر رہی ہے ہم سب کو انکی مالی معاونت کرنی چاہیے۔  اداکار مومن ثاقب نے کہا کہ پاکستان کے مسائل کا واحد حل یہی ہے کہ ہم وہاں پہ اپنے بچوں کو تعیلم دلوائیں تاکہ پاکستان کی ترقی ہو سکے۔ڈائریکٹر رائل ٹریول ندیم مجید مجید نے کہا کہ ٹی سی ایف پاکستان میں تعلیم کے شعبہ میں اہم کردار ادا کر رھی ھے -اسکی بھر پور سپورٹ کرنی چاہئے -چیف ایگزیگٹیو پرل اینڈ پیٹل ڈیز آنر سمعیہ نبیل نے تعلیم  کے شعبہ میں ٹائم سیٹیزن  فاؤنڈیشن کے کام کو سراہا - باکسر عاقب فیاض اور بلال عزیز نے ٹی سی ایف کی مالی امداد کے لئے اپیل کی.

ٹائم سیٹیزن فاؤنڈیشن برطانیہ نے پاکستان میں بچوں و خواتین کی تعلیم کا جو بیڑا اٹھایا ہے معاشرے کی ترقی میں سنگ میل ثابت ہو گا۔