لاہور(سپورٹس رپورٹر)متحدہ عرب امارات کی ویمنز کرکٹ ٹیم نے آئندہ 5 سالوں کے ون ڈے سٹیٹس حاصل کرلیا جبکہ امریکہ آئندہ اس حوالے سے اپنا سٹیٹس برقرار نہیں رکھ سکا۔حال ہی میں انٹرنیشنل کرکٹ کونسل نے ان ٹیموں کے او ڈی آئی سٹیٹس کی تصدیق کردی ہے۔ 16 خواتین ٹیموں کو 50 اوورز فارمیٹ سٹیٹس حاصل ہے۔ان ٹیموں میں سے تھائی لینڈ اور سکاٹ لینڈ نے پاکستان میں ہونے والے ون ڈے ورلڈ کپ 2026 کوالیفائرز میں شرکت کے بعد ون ڈے سٹیٹس حاصل کیا ہے۔اس بار 5 ایسوسی ایٹ ممالک 2025-2029 تک ون ڈے انٹرنیشنل سائیکل کا حصہ ہوں گے جن میں تھائی لینڈ، نیدرلینڈز، پاپوا نیو گنی، سکاٹ لینڈ اور متحدہ عرب امارات کی ٹیمیں شامل ہیں۔متحدہ عرب امارات کی ویمنز کرکٹ ٹیم نے خواتین کی ٹی 20  رینکنگ میں 16 ویں نمبر پر آنے کے بعد سالانہ رینکنگ اپ ڈیٹ میں امریکہ کی ویمنز ٹیم کو پیچھے چھوڑ دیا ہے۔آئندہ 5 سال کیلئے اب متحدہ عرب امارات کی ویمنز کرکٹ ٹیم کو ون فارمیٹ کھیلنے کی اجازت مل گئی ہے جس کی تصدیق ہوگئی ہے۔