لاہور(سپورٹس رپورٹر)انٹرنیشنل کرکٹ کونسل نے ویمنز ٹی20 ٹیم کی سالانہ رینکنگ جاری کردی ہے۔آئی سی سی کی نئی رینکنگ میں آسٹریلوی ویمنز ٹیم 299 پوائنٹس کیساتھ ٹاپ پوزیشن پر موجود ہے۔انگلینڈ دوسری، بھارت تیسری اور نیوزی لینڈ کی ٹیم چوتھی پوزیشن پر براجمان ہے۔ پاکستان ٹیم آٹھویں، آئرلینڈ نویں اور بنگلہ دیشی ٹیم 10ویں نمبر پر چلی گئی ہے۔متحدہ عرب امارات ویمنز ٹیم کو امریکہ کی جگہ 29-2025ء کے سائیکل کیلئے ایک روزہ کرکٹ کا سٹیٹس دیدیا گیا ہے۔16 ٹیموں پر مشتمل 4 سالہ آئی سی سی سائیکل کا آغاز 12 مئی سے ہوگا۔