بنوں (این این آئی)بنوں میں سپینہ تنگی کے علاقے چشمی میں سی ٹی ڈی اور دہشت گردوں کے درمیان جھڑپ ہوئی۔ 3 سی ٹی ڈی اہلکار شہید اور 2 زخمی ہوگئے۔ 2 حملہ آور ہلاک اور متعدد زخمی بھی ہوئے ہیں۔نعشیں اور زخمی اہلکاروں کو ہسپتال منتقل کر دیا گیا ۔ حملہ آور ساتھیوں کی نعشیں اور زخمی اپنے ساتھ لے گئے۔ حملہ آوروں سے اسلحہ، ہینڈ گرینیڈ، آئی ای ڈی اور دیگر سامان برآمد ہوا ہے۔ڈی پی او نے کہا کہ پولیس کی بھاری نفری علاقے کا سرچ آپریشن کر رہی ہے۔