لاہور(سپورٹس رپورٹر)پاکستان سپر لیگ 10 میں شائقین کیلئے اہم معلومات شیئر کردی گئیں۔ شائقین آج یکم مئی کو شام کے میچ کیلئے پہلے خریدے گئے اسی ٹکٹ کیساتھ ڈبل ہیڈر سے لطف اندوز ہوسکتے ہیں۔پاکستان کرکٹ بورڈ نے یکم مئی کو شائقین کی سہولت کیلئے درج ذیل انتظامات کئے ہیں۔شائقین کو دھوپ سے بچنے کیلئے سٹیڈیم میں چھتریاں لانے کی اجازت ہوگی جبکہ تمام انکلوژر میں واٹر کولرز دستیاب ہوں گے تاکہ شائقین میچ کے دوران تازہ دم رہ سکیں۔شائقین سے کہا گیا کہ وہ براہ راست سورج کی روشنی سے تحفظ کیلئے ہیٹ اورکیپ لے کر آئیں جبکہ شائقین کو ٹھنڈا اور ہائیڈریٹڈ رہنے میں مدد کیلئے لیمونیڈ کے خصوصی سٹال دستیاب ہوں گے۔میچ کے دن صحت و تندرستی اور تحفظ کیلئے پی سی بی نے شائقین کیلئے میڈیکل ایڈوائزری بھی جاری کی ہے۔ باقاعدگی سے کافی مقدار میں پانی پئیں، چاہیے آپ کو پیاس نہ لگے، اپنی جلد کو سورج کی تپش سے بچانے کیلئے SPF 30 یا اس سے زیادہ کے ساتھ وسیع سپیکٹرم سن سکرین لگائیں۔ ہلکے رنگ کے ڈھیلے ڈھالے کپڑے پہنیں جو سانس لینے کے قابل مٹیریل جیسے کاٹن یا لینن سے بنے ہوں، اپنے سر اور چہرے کو دھوپ سے بچانے کیلئے ٹوپیاں پہنیں۔