لاہور(نامہ نگار)انسپکٹر جنرل پولیس پنجاب ڈاکٹر عثمان انور کی ہدایت پرپنجاب پولیس پبلک سروس ڈلیوری،ٹریفک قوانین پر عملدرآمد یقینی بنانے کیلئے ان ایکشن ہے۔ گذشتہ 24 گھنٹوں کے دوران  29 ہزار 249 افراد کو ڈرائیونگ لائسنس جاری کئے گئے۔ ٹریفک قوانین کی خلاف ورزی پر 36 ہزار سے زائد چالان اور 2 کروڑ 10 لاکھ روپے کے جرمانے عائد کئے گئے۔ دھواں چھوڑنے والی 531 گاڑیوں کے چالان کئے گئے جبکہ 40 کو تھانوں میں بندکیا گیا۔آئی جی پنجاب ڈاکٹر عثمان انور نے کہا ہے کہ ٹریفک قوانین کی قانون شکنی کرنے والوں کے خلاف کاروائیاں جاری رہیں گی۔ ٹریفک چالانوں کے نادہندگان سے ریکوری ہر صورت یقینی بنائی جائے۔