لاہور(کلچرل رپورٹر)صوبائی دارالحکومت کے تاریخی باغ جناح میںبڑھتے ہوئے آوارہ کتوں نے شہریوں اور سیاحوںمیں مشکل میں مبتلا کردیا ہے ۔ باغ جناح میں آوارہ کتوں کی بہتات ہے جو صبح کے وقت وا ک اور سیرکیلئے آنے والے شہریوں کیلئے مشکلات پیدا کرتے ہیں۔ وہ شہریوں پر بھونکنے کے ساتھ ساتھ کاٹنے کو بھی دوڑتے ہیں ۔ دن بھر سیاحوں کی آمد کا سلسلہ بھی جاری رہتا ہے ۔ آوارہ کتے سیاحوںپر بھی حملہ آور ہوتے ہیں ۔ شہریوں اور سیاحوں نے اعلیٰ حکام سے نوٹس لینے اور آورہ کتوں کی تلفی کا مطالبہ کیا ہے تاکہ وہ باغ جناح کی سیر سکون سے کرسکیں ۔ باغ جناح میں صفائی کا بھی نظام بھی ناقص ہے ۔ جگہ جگہ کوڑے کے ڈھیر نظر آتے ہیں ۔ کھانے پینے کی اشیاء کی باقیات اور دیگر اشیاء جگہ جگہ پڑی نظر آتی ہیں حکام سے صفائی کا خیال رکھنے کا بھی مطالبہ کیا گیا ہے۔