کراچی(کامرس رپورٹر) پیر کو انٹربنک اور مقامی اوپن کرنسی مارکیٹ میں ڈالر کی قدر میں تیزی رہی۔ پیرکو انٹربنک میں ڈالر 10پیسے  بڑھ کر282.00 روپے  ہوگیا جبکہ اوپن کرنسی مارکیٹ میں ڈالر 5پیسے بڑھ کر 283.80 روپے پر پہنچ گیا۔ یورو کی قیمت فروخت 2.66روپی بڑھ کر320.23 روپے ہوگئی جبکہ برطانوی پاؤنڈ 2.75روپے کی تیزی سے380.36 روپے ہو گیا۔ آل پاکستان جیمز اینڈ جیولرز ایسوسی ایشن کی رپورٹ کے مطابق پیر کو ایک تولہ سونے کی قیمت میں4ہزار روپے کا اضافہ ریکارڈ کیاگیا جس کے بعد سونے کی فی تولہ قیمت 3لاکھ 42ہزار 500روپے ہو گئی۔ اسی طرح دس گرام سونا 3429 روپے مہنگا ہو گیا اور سونے کی 10گرام قیمت 2لاکھ 93ہزار 638روپے پر جا پہنچی جبکہ عالمی مارکیٹ میں 40 ڈالرکے اضافے سے فی اونس سونا 3241 ڈالرکا ہو گیا۔