(نامہ نگار) شہر کے مختلف علاقوں میں ڈاکوؤں اور چوروں نے چوری و ڈکیتی کی وارداتوں میں متعدد شہریوں سے لاکھوں روپے مالیت کی نقدی، طلائی زیورات،موبائل فون،موٹر سائیکلیں،گاڑیاں اور دیگر سامان لوٹ لیا۔ ڈاکوؤں نے ستوکتلہ میں یعقوب کے گھر میں گھس کر اہلخانہ کو گن پوائنٹ پر یرغمال بناکر5لاکھ 90ہزار‘ زیورات،موبائل فون اور دیگر سامان،گلبرگ میں صفدر کی فیملی سے ساڑھے 4لاکھ ‘زیورات اورموبائل فون،باٹا پورمیں نعیم سے71ہزار‘ موبائل فون،پرانی انارکلی میں ولید سے55 ہزار ‘ موبائل فون،رائیونڈ  میں فواد سے 42ہزار ‘ موبائل فون،لوئر مال میں کامران سے 37ہزار‘ موبائل فون، مصری شاہ میں شفقت سے23ہزار‘ موبائل فون،سندرمیں عباس سے18 ہزار ‘ موبائل فون،مصری شاہ میں طلحہ سے11 ہزار ‘ موبائل فون،بادامی باغ میں فرقان سے2 ہزار‘ موبائل فون لوٹ لیا اورفرار ہوگئے ہیں۔چوروں نے لیاقت آباد میں صادق کے گھر گھس کر 4لاکھ ‘ زیوارات اور دیگر سامان چوری کر لیا اورفرار ہوگئے ہیں۔چوروں نے اقبال ٹاؤن ،ڈیفنس، گرین ٹاؤن اور باغبانپورہ کے علاقوں سے 4کاریں،لٹن روڈ سے رکشہ جبکہ ہنجروال‘ریس کورس‘ ٹبی سٹی‘ بھاٹی گیٹ‘ شاہدرہ ٹاؤن،مزنگ،اسلام پورہ اور قائداعظم انڈسٹریل اسٹیٹ کے علاقوں سے8 موٹر سائیکل چوری کرلئے ۔