لاہور(نامہ نگار)سی سی پی او لاہور بلال صدیق کمیانہ کیزیر نگرانی منشیات سے پاک لاہور کا مشن جاری ہے۔رواں سال کے دوران منشیات فروشوں کے خلاف کارروائیوں میں 4704ملزمان کو گرفتارکر کے4607مقدمات کا اندرج کیا گیا ہے۔ترجمان لاہور پولیس نے بتایا کہ گرفتار ملزمان کے قبضے سے 2660کلو چرس،338کلو آئس،215کلو افیون،207کلو ہیروئین اور26ہزارسے زائد لیٹرشراب برآمد کی گئی ہے۔سی سی پی او لاہور بلال صدیق کمیانہ نے منشیات کے خاتمے کیلئے منظم کریک ڈاؤن جاری رکھنے کے احکامات جاری کرتے ہوئے کہا نوجوان نسل کو منشیات خصوصاََ آئس کے نشے سے بچانا ہماری اہم ذمہ داری ہے۔ تعلیمی اداروں کے اطراف منشیات فروشوں کے خلاف باقاعدگی سے سرچ اور کومبنگ آپریشنزکئے جائیں۔ انسدادِ منشیات کیلئے متعلقہ اداروں کے ساتھ انفارمیشن شیئرنگ اور باہمی تعاون کویقینی بنایا جائے۔ ماڈرن ڈرگزکی خریدو فروخت اورآن لائن سپلائی کیخلاف ٹارگٹڈ آپریشنز میں تیزی لائی جائے۔ متعلقہ افسران پراسیکیوشن ڈیپارٹمنٹ کے اشتراک سے منشیات کے کیسوں کو جلد منطقی انجام تک پہنچائیں۔