گوجرانوالہ(نمائندہ خصوصی) اسسٹنٹ کمشنرز /پرائس کنٹرول مجسٹریٹس نے یکم مئی سے اب تک 19روز میں گراں فروشوں کیخلاف 06لاکھ 51ہزار 552کاروائیاں کیں، 1373خلاف ورزیوں پر 51لاکھ 44ہزارروپیسے زائد کے جرمانے عائد، 438افراد گرفتار، 2ہزار 3کاروباری مراکز کو سیل کردیا گیا۔ پرائس کنٹرول میکنزم کو بہتر بنایا گیا ہے، گلی محلوں اور تمام یونین کونسلوں میں پرائس مجسٹریٹس باقاعدگی سے چھاپہ مار کاروائیاں کررہے ہیں تاکہ مصنوعی مہنگائی کا تدارک یقینی بنایا جاسکے۔پرائس کنٹرول مجسٹریٹس نے پٹرول، پھلوں /سبزیوں اور دیگر اشیائے ضروریہ کی مہنگے داموں فروخت کے حوالے سے درجنوں مارکیٹوں پر چھاپہ مار کاروائیاں کیں اور مصنوعی مہنگائی کا سبب بننے والے دوکانداروں کو جرمانے عائد کیے۔
 انہوں نے کہا کہ اشیائے ضروریہ کی ارزاں نرخوں پر فروخت کو ہر صورت یقینی بنایا جائے گا ۔اس سلسلہ میں شہری ضلعی انتظامیہ کے ساتھ تعاون کریں اور جہاں کہیں بھی مہنگے داموں اشیائے ضروریہ کی فروخت ہو تو فوری نشاندہی کرتے ہوئے شکایات درج کروائیں۔ تاکہ غیر قانونی منافع خوروں اور ذخیرہ اندوزوں کو قانون کے شکنجے میں لاتے ہوئے ان کیخلاف کاروائی عمل میں لائی جاسکے۔