اسلام آباد (نمائندہ خصوصی)چیئرپرسن بینظیر انکم سپورٹ پروگرام سینیٹر روبینہ خالد نے آج بی آئی ایس پی مرکزی زونل آفس کراچی کا دورہ  کیا ۔ دورے کا مقصد صوبے میں بی آئی ایس پی کے جاری اقدامات کا جائزہ  لینا  تھا۔ دورے کے دوران ڈی جی سندھ نے چیئرپرسن بی آئی ایس پی کو  سندھ ریجن میں بی آئی ایس پی کی آپریشنل سرگرمیوں کے بارے میں تفصیلی بریفنگ دی۔ انہوں نے  بتایا کہ ر  کفالت پروگرام کے تحت 2.7 ملین سے زیادہ مستحق خاندانوں کو مالی امداد فراہم کی جا رہی ہے۔ چیئرپرسن بی آئی ایس پی نے ڈی جی سندھ کو ایک اہم  ہدایت کی کہ وہ سروس ڈیلیوری اور آپریشنل کارکردگی کو بڑھانے کے لیے ڈائریکٹر جنرل آفس اور ون ونڈو سینٹر کے قیام کے حوالے سے سندھ حکومت سے رجوع کریں۔ انہوں نے کنسلٹنٹ (ریجنل کوآرڈینیٹر) نوید خان کو بھی ہدایت کی کہ وہ بینظیر ہنرمند اور سندھ بھر میں تکنیکی اداروں کے ذریعے چلائے جانے والے ہنر مندی کے پروگراموں کے بارے میں تفصیلی معلومات اکٹھی کریں جس سے مستحق افراد کو پیشہ ورانہ تربیت اور معاشی  خودمختاری کے لیے BISP کے عزم کو تقویت ملے گی۔چیئرپرسن روبینہ خالد نے دفتر کے احاطے میں سرسبز پاکستان بینظیر پاکستان شجر کاری مہم کے تحت پودہ بھی لگایا۔