اسلام آباد (نوائے و قت ینوز) سپریم کورٹ نے پاکستان الیکٹرانک میڈیا ریگولیٹری اتھارٹی کے قائم مقام چیئرمین کی تقرری کا نوٹس لے لیا۔ کمال الدین ٹیپو آئندہ سماعت پر طلب، عدالت کا کہنا تھا کہ تعیناتی عدالتی فیصلے کی خلاف ورزی ہے، قانون میں اس کی گنجائش نہیں۔ سپریم کورت میں میڈیا کمشن کیس کی سماعت جسٹس جواد ایس خواجہ کی سربراہی میں تین رکنی بینچ نے کی۔ عدالت نے قرار دیا کہ پیمرا قانون میں قائم مقام چیئرمین کی کوئی گنجائش نہیں۔ سپریم کورٹ دو سال قبل اس حوالے سے فیصلہ بھی دے چکی ہے۔ فیصلے کے باوجود قائم مقام چیئرمین پیمرا کی تعیناتی عدالتی احکامات کی خلاف ورزی ہے۔ سپریم کورٹ نے آئندہ سماعت پر قائم مقام چیئرمین پیمرا کمال الدین ٹیپو کو ذاتی حیثیت میں پیش ہونے کا حکم دیتے ہوئے سماعت آئندہ ہفتے تک ملتوی کر دی۔