لاہور(سپورٹس رپورٹر)قومی  ٹیم کے سابق کپتان شاہد خان آفریدی نے بھارتی وزیراعظم نریندر مودی کو تنقید کا نشانہ بناتے ہوئے کہا کہ بھارت میں کمیونٹیز محفوظ نہیں ہیں۔بھارت کیخلاف جنگ میں کامیابی پر کراچی میں ریلی کا انعقاد کیا گیا اور شاہد خان آفریدی نے پاکستان زندہ باد ریلی کی قیادت کی۔کلفٹن کے ساحل سی ویو پر منعقدہ ریلی میں ہزاروں افراد نے شرکت کی۔شاہد آفریدی نے کہا کہ خطے میں امن کیلئے نکلے ہیں، پاک فوج نے بھارتی جارحیت کا کرارا جواب دیا، پہلے کہہ دیا تھا کہ مودی انسان کا بچہ نہیں بنے گا۔ لڑائی میں پاکستان نے بچوں کو نہیں مارا جبکہ بھارت نے معصوم بچے شہید کیے۔پاکستان کا دفاع ناقابل تسخیر ہے، بھارت نے دوبارہ میلی آنکھ سے دیکھا تو برا حال کرینگے۔ بھارت کو اندازہ ہوگیا کہ پاکستان سے الجھنا مہنگا پڑگیا۔