کراچی (کامرس رپورٹر) امیرجماعت اسلامی سندھ کاشف سعید شیخ نے کہا ہے کہ نوجوان امت کا قیمتی سرمایہ اورجمعیت ملک کے روشن مستقبل کی نوید ہے۔امریکی سرپرستی میں غزہ پر اسرائیل کی وحشیانہ بمباری شرمناک،انسانیت کے قتل عام پرحقوق انسانی کی تنظیموں سمیت عالمی ضمیرکی خاموشی تشویش ناک ہے۔مسلم حکمران بھی اسرائیل کی درندگی پراندھے گونگے اوربہرے بنے ہوئے ہیں۔کراچی میں جماعت اسلامی کے تحت اتوار13اپریل کو شاہراہ فیصل پریکجہتی غزہ مارچ اہل فلسطین کے لیے حوصلے کا باعث بنے گا۔ان خیالات کااظہار انہوں نے اسلامی جمعیت طلبہ سندھ کے تحت منعقدہ سہ روزہ تربیت گاہ برائے ناظیمن سے آخری روزخطاب کرتے ہوئے کیا،جمعیت کے ناظم صوبہ عمیرشامل لاکھو نے انہیں دینی کتب کاہدیہ پیش کیا۔صوبائی امیرنے مزیدکہاکہ جمعیت نے ملک کو قابل ودیانتدار لیڈشپ دی ہے جوزندگی کے ہرشعبے میں ملک کی تعمیرترقی اورعام کی خدمت کا فریضہ سرانجام دے رہی ہے۔طلباء یونین طلبہ کا بنیادی وآئینی حق ہے جس پرشب خون مارکران کو اپنے حق سے محروم رکھا گیا ہے۔