لاہور(نیوز رپورٹر)صوبائی سیکرٹری محکمہ سپیشلائزڈ ہیلتھ کیئر اینڈ میڈیکل ایجوکیشن عظمت محمود نے سید احمد حسین گورنمنٹ جنرل کم ٹی بی ہسپتال مری کا دورہ کیا۔سیکرٹری صحت نے اس موقع پر ورکنگ اور ترقیاتی منصوبوں، کیتھ لیب پر پیش رفت کا جائزہ لیا گیا۔سیکرٹری صحت پنجاب نے متعلقہ محکمہ جات کو مقررہ وقت پر کام مکمل کرنے کی ہدایت کی۔سپیشل سیکرٹری آپریشنز طارق محمود رحمانی بھی سیکرٹری صحت کے ہمراہ تھے۔ایم ایس ڈاکٹر قیصر عباسی نے طبی سہولیات سے متعلقپریزنٹیشن دی۔سیکرٹری صحت پنجاب عظمت محمود نے اجلاس کے دوران ری ویمپنگ منصوبے، ریکروٹمنٹ و دیگر طبی سہولیات کا جائزہ لیا۔عظمت محمود نے ایمرجنسی وارڈ و دیگر شعبہ جات میں مریضوں کی عیادت بھی کی۔سیکرٹری صحت نے کہا کوشش ہے کسی مریض کو سرکاری ہسپتالوں میں کسی مشکل کا سامنا نہ کرنا پڑے۔