سپین اور پرتگال میں بجلی کے بڑے بریک ڈائون کے بعد بحالی کا سلسلہ جاری ہے۔پرتگال میں 89 میں سے85 پاور سب سٹیشن بحال کئے گئے، سپین کے وزیراعظم نے کہا کہ سپین کے گرڈ آپریٹرز نے ملک میں 50 فیصد بجلی بحال کردی ہے۔  مشترکہ نیٹ ورک میں خرابی سے پرتگال اور سپین میں بجلی کا بریک ڈائون ہوا ہے، خرابی کا تعین ابھی تک نہیں ہوسکا۔دوسری جانب فرانس کے جنوبی علاقوں میں بھی بجلی معطل ہوئی۔سپین اور پرتگال میں بجلی بندش سے پروازوں کا شیڈول بھی متاثر ہوا جبکہ میٹرو ٹرینوں کا آپریشن معطل رہا۔