لاہور(سپورٹس رپورٹر)ٹی ٹونٹی سیریز کے آخری میچ میں نیوزی لینڈ نے پاکستان کو 8 وکٹوں سے شکست دے دی۔کیویز نے پاکستان کے خلاف ٹاس جیت کر فیلڈنگ کا فیصلہ کیا، قومی ٹیم نے پہلے بیٹنگ کرتے ہوئے 9 وکٹوں کے نقصان پر 128 رنز بنائے۔جواب میں کیوی بیٹرزنے دھواں دھار بیٹنگ کرتے ہوئے 2 وکٹوں پر 129 رنز کا ہدف 10 اوورز میں حاصل کرلیا۔ویلنگٹن سٹیڈیم میں کھیلے گئے میچ میں نیوزی لینڈ نے ٹاس جیت کر فیلڈنگ کا فیصل کیا۔ پاکستانی اوپنرز ناکام ہوگئے اور دونوں 23 رنز کے مجموعی سکور پر پویلین لوٹ گئے۔حسن نواز کو صفر پر جبکہ محمد حارث کو 11 رنز پر پویلین واپس جانا پڑا۔ عمیر بن یوسف اور عثمان خان دونوں 7,7 رنز بناکر آؤٹ ہوئے۔ عبدالصمد 4، شاداب 28، جہانداد 1، سلمان علی آغا 51 جبکہ صفیان مقیم اور محمد علی صفر ہی بناسکے۔ حارث رؤف 6 رنز بنا کر ناٹ آؤٹ رہے۔صرف تین کھلاڑی ڈبل فیگر میں داخل ہوسکے۔ جیمز نیشم (جمی نیشم) نے پانچ وکٹیں حاصل کیں، جیکب ڈفی 2 ‘ بین سیرز اور ایش سوڈھی ایک ایک وکٹ لینے میں کامیاب رہے۔نیوزی لینڈ کی جانب سے اوپنر ٹم سیفرٹ جارحانہ 38 گیندوں پر 97 رنز بناکر ناقابلِ شکست رہے۔فن ایلن 27 اور مارک چیپمین 3 رنز بناکر آؤٹ ہوئے۔ دونوں وکٹیں صفیان مقیم نے حاصل کیں۔جیمز نیشم کو میچ جبکہ ٹم سیفرٹ کو سیریز کا بہترین کھلاڑی قرار دیاگیا۔ٹیم سے فاسٹ بائولر شاہین شاہ آفریدی کو ڈراپ کیا گیا، پاکستان ٹیم میں عمیر بن یوسف،عثمان خان،جہانداد خان،سفیان مقیم،محمد علی کی شمولیت ہوئی ہے۔کپتان سلمان علی آغا سمیت حسن نواز، شاداب خان اور حارث رؤف بھی شامل تھے۔دونوں ٹیموں کے درمیان تین میچوں پر مشتمل ون ڈے سیریز کاآغا ز پرسوں 29اپریل سے ہوگا۔