اسلام آباد  (خبرنگار خصوصی) پہلگام فالس فلیگ آپریشن کی ناکامی سے بھارتی فضائیہ بھی بوکھلاہٹ کا شکار ہے۔ بھارتی فضائیہ اپنے ہی عوام کی دشمن بن گئی۔ بھارتی فضائیہ  کے لڑاکا طیارے نے اپنی ہی آبادی پر  بم گرا دیا۔ ذرائع کے مطابق  واقعہ بھارتی ریاست مدھیہ پردیش کے علاقے شیو پوری میں پیش آیا۔ بم  گرنے سے آبادی اور املاک کو شدید نقصان پہنچا۔ بم گرنے سے  متعدد مکانات تباہ جبکہ ہلاکتوں کی بھی اطلاعات ہیں۔ دفاعی ماہرین  نے کہا  واقعہ بھارتی فضائیہ کی غیر ذمہ داری اور بوکھلاہٹ کو ظاہر کرتا ہے۔ اس سے قبل بھی بھارتی فضائیہ کے لڑاکا طیاروں کے حادثے معمول کا حصہ ہیں۔ اکثر حادثات میں بھارتی فضائیہ کے لڑاکا طیارے آبادی پر گرچکے ہیں۔ پے در پے جدید طیاروں، پے لوڈ اور بموں کا گرنا بھارتی فضائیہ کی دفاعی صلاحیت پر گہرا سوالیہ نشان ہے۔ بھارتی فضائیہ جدید ٹیکنالوجی میں ناکامی کے ساتھ ساتھ پائلٹوں کی تربیت میں بھی ناکام  ہے۔