بغداد (این این آئی) گورنر سندھ کامران خان ٹیسوری نے عراق کے دارالحکومت بغداد میں حضرت غوث الااعظم کے مزار پر حاضری دی۔ گورنرسندھ کی آمد پر مزار کے متولی سید عبدالقادر النعیمی، سید خالد گیلانی اور دیگر منتظمین نے خیر مقدم کیا۔ گورنر سندھ نے حضرت شیخ عبدالقادر جیلانیؒ کے مزار پر فاتحہ خوانی کی اور ملک و ملت کی سلامتی، ترقی اور خوشحالی کے لئے خصوصی دعائیں کیں۔ گورنر سندھ نے آرمی چیف جنرل سید عاصم منیر کی والدہ مرحومہ کے ایصالِ ثواب کے لئے بھی دعا کی۔