گوجرانوالہ(نمائندہ خصوصی)ڈپٹی ڈائریکٹر زراعت(توسیع)گوجرانوالہ ڈاکٹر جاوید اختر پڈ ھیار کی زیر صدارت میگا فارمر گید رنگ پروگرام کا اہتمام کیا گیا جس کے مہمان خصوصی ایڈیشنل ڈپٹی کمشنر ریونیو شبیر احمد بٹ اور سابق ممبرصوبائی اسمبلی عبدالروف مغل تھے۔جس میں ڈپٹی ڈائریکٹر پلانٹ پروٹیکشن گوجرانوالہ،اسسٹنٹ ڈائریکٹرز زراعت(توسیع)گوجرانوالہ اور مقامی زرعی ماہرین سمیت علاقہ بھر کے ترقی پسند کاشت کاروں نے بھر پور شرکت کی،پروگرام کے شرکا سے ایڈیشنل ڈپٹی کمشنر ریونیو شبیر احمد بٹ نے خطاب کرتے ہوئے کہا کہ محکمہ زراعت(توسیع)کی طرف سے جاری کردہ سفارشات پر عمل کر کے ہی کاشت کار اچھی پیداوار حاصل کر سکتے ہیں اور اس طرح کے پروگرام بہت اہمیت کے حا مل ہوتے ہیں جن میں اچھی پیداوار حاصل کرنے کے سنہری اصول بتائے جاتے ہیں جن پر عمل کرکے کسان اچھی پیداوار حاصل کر سکتا ہے سابقہ ممبرصوبائی اسمبلی عبدالروف مغل نے خطاب کرتے ہوئے کہا کہ وزیر اعلی پنجاب محترمہ مریم نوازشریف  کسانوں کی بہبود کے لئے بھر پور کوشاں ہیں اور اس سلسلہ میں متعدد اقدامات کئے گئے ہیں جن میں کسان کارڈ،گرین ٹریکٹر سکیم،سولر ائزیشن اور گندم کے پیداواری مقابلوں کا انعقاد شامل ہے۔