راولپنڈی(جنرل رپورٹر)امتحانی ایس او پیز کی خلاف ورزی پر نگران بر طرف جبکہ ایک طالبہ اور دوطالب علم نقل کرتے پکڑے گئے، چیئرمین تعلیمی بورڈ راولپنڈی محمد عدنان خان نے امتحان میٹرک فرسٹ اینول 2025 کے مختلف امتحانی مراکز کا دورہ کرتے ہوئے کہا کہ امتحانات کے دوران شفافیت کو برقرار رکھنے اورنقالی کو روکنے کے لیے بورڈآف انٹر میڈیٹ اینڈ سیکنڈری ایجوکیشن،راولپنڈی نے 2023 سے سٹوڈنٹ لائیو ویری فیکیشن سسٹم متعار ف کروایا۔ کنٹرولر امتحانات تنویر اصغر اعوان نے گورنمنٹ بوائز ہائی سکول غور غشتی، اٹک اور گورنمنٹ گرلز ہائی سکول غور غشتی کا دورہ کیا۔ دورہ کے دوران انہوں نے سی سی ٹی وی فوٹیج اور کیمرے کی ریکارڈنگ کو چیک کیا۔ کیمرہ ریکارڈنگ میں نگران مرکز سہرش امتحانی ایس او پیزکی خلاف ورزی کی مرتکب پائی گی۔ جس کو فوری طور پر امتحانی ڈیوٹی سے برطرف کر دیا گیا، تین امیدواران نقل کرتے ہوئے رنگے ہاتھوں پکڑے گئے جن میں انجلینا عظیم،رو ل نمبر 160188، امتحانی مرکز گورنمنٹ ایسوی ایٹ کالج فار ویمن،سٹیشن روڈ صدر،راولپنڈی جبکہ دو پرائیویٹ امیدوار رول نمبر 909133، سید سلیمان حسین شاہ اور رو  ل نمبر 935797،   محمد شاہزیب، امتحانی مرکز گورنمنٹ ہائی سکول ڈلوال، چوآسیدن شاہ، چکوال شامل ہیں۔جن کے خلاف فوری طور پر کیس رجسٹر کر کے ڈسپلن برانچ،بورڈ آفس کو ارسال کر دیا گیا ہے۔