لاہور(سپورٹس رپورٹر)پاکستان کی خواتین کرکٹرز نے بھی گزشتہ روز یوم تشکر جوش و خروش سے منایا۔ خواتین کھلاڑیوں نے بہادر مسلح افواج کیساتھ بھرپور یکجہتی کااظہار کیا۔ قومی ویمنز ٹی ٹونٹی ٹورنامنٹ کے میچز سے قبل خواتین کھلاڑیوں نے شہدائے وطن کیلئے خصوصی دعا کی۔چیلنجرز اور سٹارز کے درمیان نیشنل سٹیڈیم جبکہ سٹرائیکرز اور انوینسبلز کے مابین اوول اکیڈمی گراؤنڈ میں یوم تشکر پر خصوصی دعائیہ تقریب کا انعقاد کیا گیا۔خواتین کھلاڑیوں اور آفیشلز نے شہدائے وطن کے درجات کی بلندی کے دعا کی اور شہداء کو خراج عقیدت پیش کیا۔ خواتین کھلاڑیوں نے کہا کہ پوری قوم سیسہ پلائی دیوار کی طرح مسلح افواج کیساتھ شانہ بشانہ کھڑی ہے۔شہداء کی عظیم قربانیوں کو ہمیشہ یاد رکھا جائیگا۔