لاہور(نیوز رپورٹر)تہران میں اسلامی تعاون محتسب تنظیم (او آئی سی او اے) کی چوتھی جنرل اسمبلی کی افتتاحی تقریب سے خطاب کرتے ہوئے او آئی سی او اے کے سیکرٹری جنرل ڈاکٹر آصف محمود جاہ (پاکستان کے وفاقی ٹیکس محتسب) نے او آئی سی او اے کے رکن ممالک کے  محتسبین سے پرزور اپیل کی کہ وہ فلسطین اور ہندوستان کے زیر قبضہ جموں و کشمیر کے مظلوم عوام کی حمایت میں اجتماعی طور پر آواز بلند کریں۔ اسلامی ممالک  سے آئے ہوئے مندوبین سے خطاب کرتے ہوئے ڈاکٹر آصف محمود جاہ نے اس بات پر زور دیا کہ محتسب کے ادارے جہاں بنیادی طور پر عوامی انتظامیہ کے اندر منصفانہ اور جوابدہی کو یقینی بنانے کیلئے ذمہ دار ہیں۔ فلسطینیوں اور کشمیریوں کے مسلسل مصائب کو اجاگر کرتے ہوئے کہا ناانصافی کیخلاف خاموشی ان اصولوں سے مطابقت نہیں رکھتی جن پر ہمارے ادارے قائم ہیں۔ انہوں نے او آئی سی او اے پر زور دیا کہ وہ نہ صرف ادارہ جاتی تعاون کے پلیٹ فارم کے طور پر بلکہ بے آوازوں کیلئے ایک متحد آواز کے طور پر بھی کام کرے۔ چوتھی جنرل اسمبلی کی میزبانی ایران کی جنرل انسپیکشن آرگنائزیشن نے کی تھیجس میں  20 سے زائد او آئی سی ممالک کے محتسب اور نمائنے شریک ہوئے تھے۔