لاہور (نامہ نگار) چوری و ڈکیتی کی وارداتوں میں شہریوں سے لاکھوں روپے‘ زیورات، موبائل فون، موٹر سائیکلیں، گاڑیاں اور دیگر سامان لوٹ لیا گیا۔ ڈاکوؤں نے گرین ٹاؤن میں احمد اور اس کی فیملی کو یرغمال بنا کر 5 لاکھ 45 ہزار روپے‘ زیورات اور موبائل فون، لیاقت آباد میں فرید سے 4 لاکھ روپے‘ موبائل فون، ہنجروال میں صبور سے 3 لاکھ 10 ہزار روپے موبائل فون، سندر میں رضوان سے 2 لاکھ روپے اورموبائل فون، مانگا منڈی میں نوید سے 2 لاکھ 10 ہزار روپے موبائل فون، شفیق آباد میں عطا سے 2 لاکھ روپے موبائل فون، راوی روڈ میں جمیل سے ایک لاکھ 90 ہزار روپے‘ موبائل فون، برکی میں ارشد سے ایک لاکھ نقدی‘  موبائل فون، برکی میں حفیظ سے66ہزار روپے اور موبائل فون، گرین ٹاؤن میں عمران سے 31 ہزار روپے اور موبائل فون، ریس کورس میں اشفاق سے 17 ہزار روپے موبائل فون لوٹ لیا گیا۔ چوروں نے نصیرآباد، راوی روڈ اور ساندہ سے 3 کاریں، اچھرہ سے رکشہ جبکہ مانگا منڈی، اقبال ٹاؤن، مزنگ، لوئر مال، شیراکوٹ، فیکٹری ایریا اور سندر سے 7موٹرسائیکلیں چوری کرلی۔