لاہور (آئی این پی )  لاہور کے علاقے برکی میں ایک عام شہری نے اپنے جوان کے شانہ بشانہ کھڑے ہو کر بھارتی ڈرون کو زمین بوس کر دیا۔ گزشتہ چند دنوں سے بھارتی ڈرونز پاکستانی فضائی حدود کی خلاف ورزی کر رہے ہیں، لیکن   مختلف شہروں میں انہیں کامیابی سے نشانہ بنایا   گیا ۔ بھارتی میڈیا کی پروپیگنڈا مہم کے باوجود، پاکستانی عوام کا عزم پہلے سے زیادہ مضبوط ہے۔ آپریشن بنیان المرصوص کے ذریعے دشمن کو واضح پیغام دے دیا  گیا ۔ اس سارے عرصے میں عام شہریوں نے افواجِ پاکستان کا بھرپور ساتھ دیا ہے۔ بارکی کا یہ واقعہ جہاں ایک شہری نے فوجی جوان کے ساتھ مل کر ڈرون کو گرایا، وہ پورے ملک میں ہیرو ازم کی علامت بنا ہوا ہے۔سوشل میڈیا پر یہ ویڈیو وائرل ہوتے ہی پاکستانیوں نے اس بہادر شہری کی جرات کو سلام پیش کیا۔ ایک صارف نے لکھا بھائی نے پوری زندگی اس موقع کا انتظار کیا تھا! جبکہ دوسرے نے لکھا: پاکستانی اپنی سرزمین کے لیے کچھ بھی کر سکتے ہیں۔ ایک اور صارف کا تبصرہ تھا: یہی تو پاکستان کی اصل تصویر ہے۔یہ واقعہ ایک بار پھر ثابت کرتا ہے کہ پاکستان کی طاقت صرف اس کی فوج ہی نہیں، بلکہ اس کے عوام کا اتحاد اور جذبہ ہے۔