کراچی (کامرس رپورٹر) زرمبادلہ کے ملکی ذخائر میں 17 کروڑ 30 لاکھ ڈالر کا اضافہ ہوا۔ سٹیٹ بنک کے مطابق 4 اپریل کو ختم ہونے والے ہفتہ تک مجموعی ذخائر 15 ارب 57 کروڑ 97 لاکھ ڈالر سے بڑھ کر 15 ارب 75 کروڑ 27 لاکھ ڈالر کی سطح پر پہنچ گئے۔ سرکاری ذخائر میں 2 کروڑ 31 لاکھ ڈالر کا اضافہ ہوا جس کے بعد سٹیٹ بینک کے ذخائر 10 ارب 67 کروڑ 63 لاکھ ڈالر سے بڑھ کر 10 ارب 69 کروڑ 94 لاکھ ڈالر ہوگئے۔ جبکہ کمرشل بینکوں کے ذخائر 5 ارب ڈالر کی سطح سے تجاوز کر گئے۔ کمرشل بینکوں کے ذخائر 14 کروڑ 99 لاکھ ڈالر کے اضافہ سے 4 ارب 90 کروڑ 34 لاکھ ڈالر سے بڑھ کر 5 ارب 5 کروڑ 33 لاکھ ڈالر ہو گئے۔