پشاور(این این آئی)اینٹی کرپشن خیبرپی کے نے مانسہرہ میں ایک ارب 38 کروڑ 50 لاکھ روپے مالیت کی 2529 کنال 08 مرلے سرکاری اراضی ریکور کر لی۔مشیر وزیراعلیٰ برائے اینٹی کرپشن مصدق عباسی کو مانسہرہ میں ماہانہ کھلی کچہری کے دوران سرکاری اراضی پر قبضے کی شکایات موصول ہوئیں۔انہوں نے اسپیشل انویسٹی گیشن ونگ کو انکوائری کی ہدایت دی۔انکشاف ہوا ہزاروں کنال اراضی ریونیو افسروں و اہلکاروں کی ملی بھگت سے مختلف افراد کو منتقل کی جا رہی تھی۔ مذکورہ اراضی صوبائی حکومت کے نام منتقل کر دی گئی۔