لاہور(سپورٹس رپورٹر )پی ایس ایل 10میں کوئٹہ گلیڈی ایٹرز کے سپنر عثمان طارق کا بائولنگ ایکشن کلیئر قرار دیدیا گیا۔ ترجمان پی سی بی کا کہنا ہے کہ عثمان طارق نے پی سی بی کے منظور شدہ بائیو مکینکس لیب میں ٹیسٹنگ کروائی، ان کا بائولنگ ایکشن 13 اپریل کو پی ایس ایل میچ میں مشتبہ قرار دیا گیا تھا، ان کا بائولنگ ایکشن لاہور قلندرز کیخلاف میچ کے دوران رپورٹ کیا گیا۔ لاہور قلندرز کے خلاف کھیلے گئے میچ میں آن فیلڈ امپائر احسن رضا اور کرس براون نے عثمان طارق کا ایکشن رپورٹ کیا۔ کوئٹہ گلیڈی ایٹرز کی درخواست پر پی سی بی نے ٹیسٹ کی اجازت دی، عثمان طارق نے بائولنگ ایکشن ٹیسٹ کامیابی سے کلیئر کرلیا۔