کراچی (اسٹاف رپورٹر)سول ہسپتال میں مبینہ طور پر وینٹی لیٹر نہ ملنے پر 2بچے جاں بحق ہوگئے، دونوں بچوں کا تعلق ایک ہی خاندان سے ہے۔ہسپتال کی چائلڈ ایمرجنسی میں ایک ہی خاندان کے 2بچے جاں بحق ہوئے۔4برس کی نعیمہ اور رحمت اللہ خسرہ کے مرض میں مبتلا تھے، بچوں کے انتقال پر ورثا نے احتجاج کیا اور ڈاکٹروں کیخلاف کارروائی کا مطالبہ کیا ہے۔ورثا نے کارروائی کیلئے سول ہسپتال کے ایم ایس کو درخواست دیدی، لواحقین کا کہنا ہے ڈاکٹروں کی غفلت اور وینٹی لیٹر نہ ہونے پر بچوں کی اموات ہوئیں۔