راولپنڈی(اپنے سٹاف رپورٹرسے)سی پی او سید خالد ہمدانی کی زیر صدارت پولیس لائنز ہیڈ کوارٹرز میں اجلاس کا انعقاد کیا گیااجلاس میں ایس ایس پی آپریشنز، ایس ایس پی انوسٹی گیشن،چیف ٹریفک آفیسر، ڈویژنل ایس پیز، ایس ڈی پی اوز، ایس ایچ اوز اور دیگر سینئر افسران نے شرکت کی، سی پی او نے تھانہ وائز کارکردگی اور سروس ڈیلیوری کا جائزہ لیا اور افسران کو ہدایات دیں،سی پی اوسید خالدہمدانی نے افسران کو ہدایت دیتے ہوئے کہا کہ ایف آئی آر کے اندراج میں تاخیر کسی صورت قابل قبول نہیں تھانوں میں شہریوں کے مسائل کے حل اور زیر تفتیش مقدمات کی بروقت چالاننگ کو یقینی بنایا جائے، پتنگ بازی کی روک تھام کے حوالے سے آگاہی مہم تیز کی جائے، پتنگ بازی و پتنگ فروشی میں ملوث افراد کو قانون کی گرفت میں لایا جائے، سیکورٹی انتظامات کے حوالے سے سرچ آپریشنزکیے جائیں، کرکٹ میچز اور ٹیموں کی سیکورٹی کے لیے فول پروف انتظامات کیے جائیں، ناجائز تجاوزات اور گداگروں کے خلاف کریک ڈان تیز کیا جائے،منشیات فروشوں کے خلاف کاروائیاں تیز کی جائیں،کار و موٹرسائیکل چوری میں ملوث سابقہ ریکارڈ یافتگان پر کڑی نظر رکھی جائے،گینگز کے گرفتار ملزمان کے ضمانتیوں کی بھی نگرانی کی جائے۔