اہور (سپورٹس رپورٹر) آئی سی سی ویمنز کرکٹ ورلڈ کپ کوالیفائرمیچز کے حوالے سے پاکستان کرکٹ بورڈ نے اعلان کیا کہ شائقین کیلئے قذافی سٹیڈیم کے تمام میچز کیلئے داخلہ فری ہو گا۔ترجمان کے مطابق آئی سی سی ویمنز کرکٹ ورلڈکپ کوالیفائنگ رائونڈ کے قذافی سٹیڈیم میں مجموعی طور پر 8 میچ کھیلے جائیں گے ،پاکستان اپنا پہلا میچ آئرلینڈ کیساتھ 9 اپریل کو قذافی سٹیڈیم میں کھیلے گا جوصبح ساڑھے نو بجے شروع ہوگا ۔ دوسرا میچ آئرلینڈ اور ویسٹ انڈیز کے درمیان 11 اپریل کو صبح 9.30 شروع ہوگا۔قذافی سٹیڈیم میں تیسرا میچ بنگلہ دیش اور آئرلینڈ کے درمیان 13 اپریل کو دوپہر 2 بجے شروع ہوگا جبکہ پاکستان اور ویسٹ انڈیز کے درمیان 14 اپریل کو ڈے اینڈ نائٹ میچ کھیلا جائیگا جس کا آغاز دوپہر 2 بجے ہو گا۔قذافی سٹیڈیم میں پانچواں میچ بنگلہ دیش اور سکاٹ لینڈ کے درمیان 15 اپریل کو دوپہر 2 بجے شروع ہوگا، پاکستان اور تھائی لینڈ کے درمیان 17 اپریل کو قذافی سٹیڈیم میں میچ کا آغاز دوپہر 2 بجے ہو گا۔ قذافی سٹیڈیم میں 7واں میچ آئرلینڈ اورسکاٹ لینڈ کے درمیان 18 اپریل کو دوپہر 2 بجے شروع ہوگا جبکہ 8واں اور کوالیفائنگ رائونڈ کا آخری میچ تھائی لینڈ اور ویسٹ انڈیز کے درمیان 19 اپریل کو دوپہر 2 بجے شروع ہوگا۔ ان تمام میچز کیلئے شائقین کرکٹ کا داخلہ فری ہو گا۔