وزیراعلیٰ پنجاب مریم نوازشریف کی زیر صدارت ہونے والے ایک خصوصی اجلاس میں صوبے میں ماس ٹرانزٹ پراجیکٹس پر تفصیلی بریفنگ دی گئی اجلاس میں ییلو لائن ماس ٹرانزٹ سسٹم کی فزیبلٹی سٹڈی رپورٹ پیش کی گئی، جس میں اس منصوبے کی تکمیل کے لیے درکار وسائل اور متوقع فائدوں پر تفصیل سے بات کی گئی اس موقع پر وزیراعلیٰ پنجاب کو ایکو فرینڈلی ای ٹیکسی پراجیکٹ کے بارے میں بھی آگاہ کیا گیا، جس کے تحت 1100 ای ٹیکسیز کا پائلٹ پراجیکٹ شروع کیا جائے گا اس پراجیکٹ کے فنانشل ماڈل کی اصولی منظوری بھی دی گئی، اور اس میں حکومت پنجاب کی طرف سے سبسڈی دینے کا بھی فیصلہ کیا گیا ہے وزیراعلیٰ مریم نوازشریف نے گوجرانوالہ میں ماس ٹرانزٹ سسٹم کے لیے مزید روٹس کی رپورٹ طلب کی اور عوام کی سہولت کے مطابق ان روٹس کا تعین کرنے کی ہدایت کی انہوں نے ییلو لائن پراجیکٹ کے حوالے سے جناح ٹرمینل تا ہربنس پورہ تک جلد از جلد کام شروع کرنے کا حکم بھی دیا اجلاس میں اس بات پر بھی اتفاق کیا گیا کہ ای چارجنگ اسٹیشنز کے لیے سولر پاور سسٹم نصب کیے جائیں گے جبکہ پٹرول پمپس کے ساتھ چارجنگ اسٹیشن قائم کرنے کی تجویز کا بھی جائزہ لیا گیا وزیراعلیٰ پنجاب نے اس پراجیکٹ کو صوبے کے ماحولیاتی اہداف کو پورا کرنے اور عوام کو جدید ماحول دوست اور سستی سفری سہولتیں فراہم کرنے کے لیے اہم قدم قرار دیا