کراچی ،ملتان(آئی این پی  )سندھ ضلع مٹیاری میں ٹنڈوآدم لنک روڈ پر منی ٹرک الٹنے سے 3 افراد جاں بحق ہوگئے جبکہ ملتان میں موٹروے ایم فائیو پر شجاع آباد کے قریب بس میں شارٹ سرکٹ کے باعث آگ لگ گئی تاہم  تمام مسافر محفوظ رہے۔ پولیس  کے مطابق  بھٹ شاہ کے قریب ٹنڈوآدم لنک روڈ پر منی ٹرک کا ٹائر پھٹنے سے حادثہ ہوا،  ایک ہی خاندان کے 3 افراد زخمی ہوئے جنہیں حیدرآباد کے ہسپتال منتقل کیا گیا تاہم تینوں افراد دم توڑ گئے۔ادھر ملتان میں شجاع آباد کے قریب موٹروے ایم فائیو پر مسافر بس میں آگ لگ گئی تاہم موٹروے پولیس نے جلتی بس سے تمام مسافروں کو بحفاظت باہر نکال لیا۔ کراچی سے بونیر جانے والی بس میں 47 مسافر سوار تھے۔