حافظ آباد (نمائندہ نوائے وقت)محکمہ صحت کی جانب سے ڈینگی سے بچاؤ اور حفاظتی و آگاہی اقدامات کے سلسلہ میں تربیتی سیمینار اور واک کا انعقاد کیا گیا۔ سی ای او  ہیلتھ ڈاکٹر ظہیر احمد،ماسٹر ٹرینر ڈاکٹر فاروق احمد مغل، اینٹامالوجسٹ تحسین قمر جگنو نے سیمینار کے شرکاء کو ڈینگی سے بچاؤ کے حوالہ سے خصوصی آگاہی و لیکچر دئیے۔سی ای او ہیلتھ ڈاکٹر ظہیر احمد کا کہنا تھا کہ محکمہ صحت سمیت تمام سرکاری محکموں،سماجی تنظیموں اور دیگر سرکردہ افراد کو ڈینگی سے بچاؤ کے حوالہ سے مشترکہ جدو جہد کو جاری رکھنا ہو گا ۔ ڈینگی کی روک تھام اور حفاظتی اقدامات کے حوالہ سے عوام میں آگاہی پروگرام ، سیمینا ر ، و ا ک کا اہتمام کیا جا رہا ہے۔انکا کہنا تھا کہ محکمہ صحت کے اسپشلسٹ ڈاکٹرز، اینٹامالوجسٹ اور دیگر افسران نے ریسکیو 1122 کے اہلکاروں کو ڈینگی سے بچاؤ کے حوالہ سے آگاہی فراہم کی۔