لاہور (لیڈی رپورٹر) پنجاب بھر کے تعلیمی اداروں میں میں عیدالفطر کی تعطیلات کا باقاعدہ نوٹیفکیشن جاری کر دیا گیا۔ سیکرٹری سکولز ایجوکیشن خالد نذیر وٹو کے مطابق پنجاب بھر کے سرکاری سکولوں میں عید کی چھٹیوں کا آغاز 28 مارچ سے ہوگا، چھٹیوں کا سلسلہ 6 اپریل تک جاری رہے گا۔ سکول 7 اپریل سے دوبارہ کھلیں گے۔ خالد نذیر وٹو نے کہا نئے تعلیمی سال کا آغاز بھی 7 اپریل سے ہوگا جبکہ سکولوں میں سالانہ نتائج کا اعلان 4 اپریل کو کیا جائے گا۔ دوسری طرف محکمہ ہائرایجوکیشن پنجاب کے نوٹیفکیشن کے مطابق عید کی تعطیلات کا آغاز 28 مارچ سے ہوگا۔ عید کی تعطیلات 2 اپریل تک جاری رہیں گی۔ مراسلے میں کہا گیا ہے کہ چھٹیوں سینویں جماعت کے سالانہ امتحانات متاثر نہیں ہونگے۔