لاہور(سپورٹس رپورٹر)عظیم کھلاڑی اور سابق عالمی چیمپئن جہانگیر خان کی کاوشیں کارگر ثابت ہوئیں، پاکستان کو عالمی سکواش ایونٹ کی میزبانی مل گئی۔ورلڈ سکواش فیڈریشن کے تحت پہلی عالمی انڈر 23 سکواش چیمپئن شپ 6 سے 10 اپریل تک کراچی میں کھیلی جائیگی۔6 لاکھ ڈالرز کی انعامی رقم کی چیمپئن شپ میں مینز اور ویمنز ایونٹس کے مقابلے ہوں گے۔ہر ایونٹ میں دنیا کے ٹاپ 32، 32 کھلاڑی شرکت کریں گے جبکہ ایونٹ کے فاتحین پی ایس اے ورلڈ چیمپئن شپ میں براہ راست شرکت کے حقدار بن جائیں گے۔سابق عالمی چیمپین قمر زمان ٹورنامنٹ ڈائریکٹر کی ذمہ داری ادا کریں گے۔