لاہور(سپورٹس رپورٹر) پاکستان سٹریٹ چائلڈ فٹبال ٹیم کا 3 ماہ کا تربیتی کیمپ اسلام آباد اسپورٹس کمپلیکس میں جاری ہے جس میں ناروے کپ 2025 ء کیلئے حتمی کھلاڑیوں کا انتخاب کیا جائیگا۔ میدان پراجیکٹ کے تحت 27 اضلاع میں 2100 سے زائد نوجوانوں نے ٹرائلز میں حصہ لیا۔اسلام آباد میں 60 منتخب کھلاڑیوں کا تربیتی کیمپ جاری ہے۔کیمپ میں شامل کھلاڑیوں کو فٹبال ٹریننگ کیساتھ تمام سہولیات بھی فراہم کی جارہی ہیں۔پاکستان 26 جولائی سے ناروے کپ 2025 میں شرکت کریگا۔پاکستان نے ناروے کپ 2023 میں سلور اور 2024 میں سیمی فائنل تک رسائی حاصل کی تھی۔